අම්මෙක්ට දුවෙක් මිස

පුතෙක් ගෙන් කුමන පල

දුකක් කියනට

කියා හඬනට

සතුටු දවසට

හිනා පුරනට

හැමදාම ඔය හිත

ලඟම ඉන්න දූ

අම්මෙ මං දවසක

1995

 අම්මෙ අද අන්තිමම දවසයි

සසරෙ කොහේ හෝ

මගෙම වෙන්නැති

මේ තරම් දුක

ඒක වෙන්නැති

හිතේ හැටියට අඬන්නට වත්

පිනක් නැති මං

අම්මෙ ඔබෙ නොදුටු දූ....

21/11/22

පන්සලේ සුදු ඇඳුම් අතරේ

අම්මෙ මං නුඹ සොයනවා

නුඹෙ දෝණි වෙන්නට

මැවූ හීනෙට

තාම මට දුක හිතෙනවා

 

ඒ හීන මියැදී බෝ කලක් දැන්

ඒත් තවමත් මටම පුදුමයි

නුඹ හිටපු තැන් වල

හුස්ම ගැහි ගැහි

ඒ හීන තව පණ අදිනවා

 

හිමි කමක් නැතුවත්

දෝණි වන්නට

තාම මං මඟ බලනවා

 

2015

 නංගියේ..

මම නුඹට ණය ගැතියි

මගේ පණ නුඹ ලඟයි

හිත රිදෙන තැන් වලදි

ඉරිසියා කෙරුවාට

මං නුඹට ආදරෙයි.

මගේ සුදු අම්මාට

අවසාන හුස්ම පොද පිදූ

දිව්‍ය ලඳ නුඹ තමයි

ඉතින් අද

තුරුලු වී හඬන්නට

ඔය පපුවෙ අයිතියත් නුඹටමයි

හැමදාම මට උරුම

තනිව ගුලිවී හැඬුම

දැන් හොඳටම හුරුයි

ඒත් අද නම්

හිත හොඳටම බරයි

මට මං ගැන හරි දුකයි

හිත පුපුරවන, කකියවන

මේ දුක කියන්නට

කවුරුත්ම නැති හැටි

අඬන්නට වත්

අයිතියක් නැති හැටි..

23/11/22

හදවත

දැවෙන

කකියවන

මේ දුක

කිසිම දවසක,

ආත්මක 

ඔයාට දැනෙන්න එපා මැණික..

28/11/22

ඉස්සරත් ගොඩක් දුක් වින්දා, ඇඬුව

ඒත් මෙහෙම පපුව රිදෙනව මතක නෑ

මං හිතන්නෙ මගේ හිතටත් දැන්

හොදටෝම මහන්සියි